Arre bhai, kya aapne suna? Sunita Williams ne phir se spacewalk kiya! Indian media kaafi excited hai, lekin kya hum bhi utne hi excited hain? Aakhir kyun humare news channels unki har choti-badi activity ko highlight karte hain? Kya humare desh ke astronauts ke baare mein bhi itna hi coverage milta hai? Chaliye, iss article mein hum is media frenzy ka mazak udate hain aur thoda sochne pe majboor karte hain.

Sunita Williams, Har Pal News Mein

Sunita Williams, ek American astronaut hain jinka Indian connection unke father ke through hai. Unhone space mein kaafi records banaye hain, jaise ki most spacewalk time for a woman. Lekin, kya yeh reason kaafi hai ki humare media unhe apna banake har waqt unki coverage kare? Reddit pe ek user ne sahi kaha, along with Sunita there's another man. But they're only reporting about her. Why? Because they're pushing the Indian ego by linking 'Sunita Williams is of Indian origin'.

Apne Ghar Ke Hero: Rakesh Sharma

Ab thoda flashback mein chalte hain. Rakesh Sharma, pehle Indian citizen the jo space gaye the. Unhone space se Indira Gandhi ko kaha tha, "Saare Jahan Se Achha." Lekin aaj kal unke baare mein kitni baatein hoti hain? Kya hum unhe yaad rakhte hain ya sirf tab yaad aata hai jab koi anniversary hoti hai?

Kya Indian media cover kiya humare ‘Vyomnauts’ ko, who are designated to go to space in the first human mission of India, thanks to ISRO.

Group Captain P. Balakrishnan Nair, Group Captain Angad Prathap, Group Captain Ajit Krishnan, and Wing Commander Shubhanshu Shukla.

Media Ka Double Standard

Indian media kaafi selective hai apni coverage mein. Agar koi Indian-origin person videsh mein kuch achieve karta hai, toh hum unhe apna bana lete hain. Lekin apne desh ke scientists aur astronauts ko utni importance nahi dete. Yeh double standard kyun? Kya videshi tag zyada glamorous hai?

Ek Serious Mudda: Gaganyaan Mission

Ab thoda serious baat karte hain. ISRO ka Gaganyaan mission, jo India ka pehla manned space mission hoga, uske baare mein kitni awareness hai? Space Applications Centre ne public awareness programs organize kiye the, lekin kya media ne usse utna highlight kiya jitna Sunita Williams ke spacewalks ko? Yeh sochne wali baat hai.

Media Ko Jawab Dena Hoga

Aakhir mein, yeh zaroori hai ki hum apne desh ke heroes ko pehchanein aur unhe wahi respect aur coverage dein jo videshi achievers ko dete hain. Media ko apne priorities set karni chahiye aur ensure karna chahiye ki humare astronauts aur scientists ko bhi wahi limelight mile.

Note: Yeh article ek satirical take hai aur iska maksad sirf sochne pe majboor karna hai.

#Space #Astronauts #MediaFrenzy #IndiaInSpace #SunitaWilliams #NASA #MarsExploration